Хакейныя навіны

Шаноўныя сябры,

як вядома, гэта першы сезон, калі будзе ладзіцца драфт. У кожнай лізе будзе свой спіс гульцоў, з якіх каманды змогуць абіраць. Гэта будзе сапраўды цікава. Першы спіс гульцоў для драфта з'явіцца ў 20 дзень сезону, у суботу 5 красавіка. Непасрэдна драфт пройдзе праз тыдзень, у суботу 12 красавіка. Гэты тыдзень вы можаце выдаткаваць на вывучэнне гульцоў.

Кожны дзень вы зможаце абіраць гульцоў для вывучэння. Вынікі вывучэння заўсёды будуць з'яўляцца на наступны дзень. Калі ў вас ёсць PRO-пакет, вы зможаце скласці спіс гульцоў для вывучэння на ўвесь тыдзень адразу. Таксама уладальнікі PRO-пакета змогуць скласці з спісу гульцоў жаданы парадак. У выпадку, калі мэнэджар ня зможа прысутнічаць у момант драфта, сістэма аўтаматычна абярэ вольнага гульца з спісу ў парадку чаргі. Калі вы забудзецеся абраць гульцоў для вывучэння ў любы з дзён, вы зможаце вывучыць гульцоў заднім днём за невялікую плату ў крэдытах. Вынікі такога вывучэння будуць даступныя неадкладна, без якіх-небудзь выдаткаў часу.

Добрая навіна заключаецца ў тым, што гульцы, абраныя на драфце ў апошні тыдзень сезону, з'явяцца ў спартыўнай акадэміі ў першы дзень наступнага сезону пазбегнуўшы старэння. Такім чынам, пачаткоўцы патрапяць у вашу каманду 15-гадовымi і з працягласцю кар'еры такой жа, якой яна была ў іх на момант драфта.

Больш падрабязна аб механізме драфта вы можаце даведацца ў кіраўніцтве. Час драфта будзе адлюстроўвацца на старонцы драфта адразу ж, як толькі там з'явіцца спіс гульцоў.

Таксама, жадаем паведаміць, што быў зменены ўплыў важнасці гульні на наведвальнасць наступнай хатняй афіцыйнай гульні. Прымаючы да ўвагі вашыя водгукі, мы вырашылі істотна знізіць магчымае падзенне наведвальнасці, каб вы не так моцна хваляваліся, калі яно адбудзецца. Упэўненыя, што вам спадабаюцца гэтыя папраўкі. Аднак мы па-ранейшаму лічым, што гэтыя невялікія змены, якія тычацца важнасці гульняў, неабходныя, каб зрабіць гульню больш сумленнай для ўсіх, яны дапамогуць пазбегнуць дамоўных  гульняў.

Добрага дня!