Хакейныя навіны

Паважаныя мэнэджары!

Мінулая субота, 14 студзеня, стала 1000 днём з моманту запуску поўнай версіі хакея ў PPM. Мы шчаслівыя падзяліць радасць дасягнення гэтай мяжы разам з вамі, якія падтрымлівалі нас на працягу ўсяго гэтага часу і, спадзяемся, што наперадзе ў нас яшчэ шмат дзён.

Але гэта не ўсё навіны на сёння. Мы зрабілі некалькі малаважных змяненняў у гульнявым рухавіку хакея на наступны сезон:

• Змяненні ў разліку выдаленняў: Змяненні ў сістэме зроблены з мэтай памяншэння магчымых крайнасцяў пры разліку выдаленняў. Іншымі словамі, калі ў адной каманды ўжо ёсць некалькі хвілін штрафу, то верагоднасць атрымаць  наступнае выдаленне памяншаецца. Такім чынам, гульні, ў якіх, напрыклад, адна каманда 8 разоў гуляла ў большасці, а другая ні разу, стануць больш рэдкімі.
• Уплыў энергіі на кідок: Да цяперашняга часу, кідок гульцоў не залежаў ад іх энергіі. Такім чынам, працэнт адбітых кідкоў варатароў змяншаўся падчас плэй-офф, так як варатары не былі такімі свежымі як напачатку сезону. 

У новым сезоне таксама з'явіцца новая сістэма выбараў галоўных трэнераў зборных па хакеі. Дэталі будуць паведамлены ў наступных навінах.

Свабодныя агенты ў футболе

Я проста хачу нагадаць пра тое, што хутка ў футболе з'явяцца свабодныя агенты. Сістэма будзе працаваць гэтак жа як і у хакеі. Усе дэталі будуць размешчаны ў дапаможніку, як толькі сістэма будзе запушчана. Для тых хто не гуляў у хакей, я скажу, што гульцы старэй 26 гадоў змогуць падпісаць кантракт з клубамі, якія зрабілі найвялікую стаўку, па заканчэнні бягучага кантракту. Аднак, у вас будзе магчымасць захаваць гульца ў сябе са "зніжкай роднай каманды". Калі ж вы вырашыце дазволіць гульцу сысці, вы атрымаеце кампенсаванне ў памеры 50% ад сумы падпіснога бонуса, які выплачваецца новай камандай гульца. У вас будзе магчымасць абараніць лепшых гульцоў, даючы ім сезонныя бонусы, якія павялічаць памер зніжкі.

Аптымізацыя форумаў

Зараз мы працуем над аптымізацыяй форумаў з пазіцыі базы дадзеных. Колькасць новых паведамленняў у калонцы "Новыя паведамленні" часова знікла. Як толькі аптымізацыя завершыцца, колькасць непрачытаных паведамленняў вернецца на месца, аднак лічыльнікі будуць скінуты для ўсіх карыстальнікаў. Гэта азначае, што ўсе паведамленні ў тэмах, якія вы чыталі раней, будуць адзначаны прачытанымі. Мы спадзяемся, што пасля гэтых змен, форумы больш не будуць ствараць значнай нагрузкі на сервер, як цяпер.

Змяненні ў SMS-кодах у Вялікабрытаніі і Швейцарыі

Інфармацыя для жыхароў Вялікабрытаніі і Швейцарыі. Просім вас заўважыць, што нядаўна змяніўся патрабаваны тэкст SMS у гэтых краінах. Калі вы хочаце набыць крэдыты праз SMS , калі ласка, паглядзіце ў PRO-зоне тэкст, які неабходна адправіць. У адваротным выпадку ваш плацёж не зможа быць здзейснены.

А яшчэ, праверце графік Змянення моцы каманды і графік Змяненняў пазіцый ў лізе, дададзеныя ўчора!

Удалага дня!